Bibla përshkruan “shiun e karkalecave”, një nga shtatë plagët e lëshuara nga Zoti mbi egjiptianët fajtorë për mbajtjen e hebrenjve në skllavëri. Ky fenomen i çuditshëm meteorologjik mund të kishte ndodhur realisht, por nga ana tjetër gjithçka ka rënë nga qielli vitet e fundit.
MISH. Më 3 mars 1876, një pure kafe ra nga qielli plotësisht i pastër i Kentakit. U desh një studim i plotë për të zbuluar se ishte mish dhe se ishte vjellë nga një tufë shkabash.
PESHK. Ndër ngjarjet më “të zakonshme” është shiu i peshkut, prej të cilit dihen dhjetëra raste dhe që mund të ndodhin kur ujërat veçanërisht të dhunshme godasin kontinentin.
BRETKOSA. Një tornado që kalon mbi një pellg mund të shkaktojë një shi amfibësh, madje edhe shumë kilometra larg. Ngjarja më e fundit u regjistrua dy herë brenda tri ditëve në Hungari në 2010.
KANDIL DETI. Rasti i vetëm i dokumentuar daton në vitin 1894 dhe ka ndodhur në Bath të Mbretërisë së Bashkuar. Siç ndodh më shpesh me peshqit, kandili i detit ishte mbledhur nga një rrjedhë uji dhe ishte sjellë në brendësi të tokës.
MERIMANGA. Ky fenomen njihet si balonim dhe ndodh kur merimangat (shumë lloje) sekretojnë fije mëndafshi për të migruar, duke u ngritur nga rrymat derisa të bjerë era.
KRIMBA. Më 11 korrik 2007 ra shi krimbash në Luiziana të SHBA dhe si në rastin e peshqve, bretkosave dhe kandilëve të detit, një vorbull ajri kishte të bënte me të, d.m.th. një tornado që i ngriti nga një fushë dhe i bëri të binin pak kilometra më tutje atje.
“QUMËSHT”. Në vitin 2015, një lëng me ngjyrë të bardhë që përmbante ujë dhe pluhur me shumë kripë të mbledhur nga era ra si shi në Idaho, Oregon dhe Uashington. Mirëpo, ishte si “shiu i qumështit” që lajmet folën për të.
SPORET. Në verën e vitit 2001 në Kerala në Indi, shiu ishte i kuq. Menjëherë u fol për “gjak”, por në realitet u zbulua se ato ishin spore të një alge që përmbante gjurmë nikel, mangan, titan, krom dhe bakër.
PARA. Në Mainz të Gjermanisë, më 23 maj 2022, rreth 50,000 euro në kartëmonedha ranë nga qielli. Ato kishin rënë nga maja e një rrokaqielli dhe banorët në vend që t’i futnin në xhepa, ndihmuan policinë për grumbullimin.
NJË LOPË. Edhe kjo ndodhi. Në vitin 1997, një lopë ra nga qielli në një varkë peshkimi në Detin e Japonisë. Ishte pjesë e ngarkesës së një avioni të gjuetarëve të paligjshëm që donin ta asgjësonin duke e hedhur në det.
