Kur ka kaluar tashmë 1 vit nga atentati në mbikalimin e Fushë Krujës, organet hetimore ende nuk kanë arritur të identifikojnë autorët.
Masakra ku mbeti i vrarë Brilant Martinaj, Dikler Vata dhe Besmir Hoxha është konsideruar një nga më famëkeqet e viteve të fundit, teksa kujtojmë që autorët i kanë vënë më pas zjarrin automjetit me trupat e viktimave.
Sikurse bëhet me dije nga News 24, ndërsa hetimet vijojnë, së fundmi është identifikuar përmes kamerave të sigurisë një automjet që dyshohet se i ka vëzhguar lëvizjet e viktimave dhe ka informuar autorët. Mësohet se automjeti është me targa Sllovene dhe për këtë arsye është dërguar drejt Sllovenisë një letër porosi për të marrë më shumë të dhëna lidhur me pronësinë e mjetit dhe mënyrën se si ai ka hyrë në Shqipëri. Bëhet me dije se prokuroria po analizon të dhënat e celularëve të disa personave të skeduar për krime të rënda, të cilët dyshohen se janë përfshirë në këtë ngjarje.
Kujtojmë se Brilant Martinaj është kushëri i Ervis Martinaj dhe që nga masakra e Fushë Krujës ngjarje të tjera kriminale pasuan në vend, përfshirë edhe zhdukjen e vetë Ervis Martinaj./Opiniona.al
