Një studim i ri tronditës ka zbuluar se 1 në 20 britanikë nuk beson te Holokausti. Një në 12 beson se të dhënat janë ekzagjeruar dhe posthuajse 1/3 nuk e dinin ose nënvlerësonin numrin e viktimave.
Statistikat janë botuar në Ditën Përkujtimore të Holokaustit. Stiven Frank, një mbijetues i kampit të përqendrimit, i etiketon statistikat si “tmerrësisht shqetësuese”.
Frank, 83 vjeç, ishte një nga 93 fëmijët që mbijetuan në kampin Theresienstadt në Çekosllovaki së bashku me dy vëllezërit e tij. Ai tha se ishte “i habitur” nga gjetjet e Trustit të Ditës së Përkujtimit të Holokaustit.
Babai i tij ndihmoi në fshehjen e hebrenjve si pjesë e Rezistencës holandeze. Ai u arrestua në Amsterdam dhe u dërgua në Aushvic në Poloninë naziste, ku u mbyt me gaz në 21 janar 1943.
“Në përvojën time, njerëzit nuk kanë një kuptim të fortë të asaj që ndodhi gjatë Holokaustit. Kjo është një nga arsyet që unë jam kaq i angazhuar për të ndarë gjërat që më kanë ndodhur,” tha ai.
“Në një nga bisedat e mia, takova dikë që tha se Holokausti nuk ndodhi. E vetmja mënyrë për të luftuar këtë lloj mohimi dhe antisemitizmi është me të vërtetën. U them njerëzve se çfarë ka ndodhur, çfarë pashë dhe çfarë kam përjetuar.”
“Arsimi është kaq i rëndësishëm. Nëse e injorojmë të kaluarën, kam frikë se historia do të përsëritet.”
2000 britanikë të rritur u anketuan nga Trashëgimia e Ditës së Përkujtimit të Holokaustit.
Karen Pollock, shefja ekzekutive e Trustit Arsimor të Holokaustit, tha: “Ne e dimë se arsimi është jetik në luftën kundër injorancës dhe urrejtjes.”
“Cilado qoftë statistika, një person që e vë në dyshim të vërtetën e Holokaustit është shumë. Ne na takon të dyfishojmë përpjekjet tona për të siguruar që brezat e ardhshëm të dinë se ndodhi, dhe të bëheshin dëshmitarë të një episodi më të errët në historinë tonë.”/E.L
