Një peticion për ndalimin e vizitës së Presidentit amerikan Donald Trump në Britani ka mbledhur më shumë se `1 milionë firma. Numri i personave që firmosin peticionin është rritur me shpejtësi që pas urdhrit ekzekutiv të Trump për emigrantët gjatë fundjavëz duke shkaktuar zemëratë mbarëkombëtare.
Kryeministrja angleze Theresa May njoftoi për vizitën e Trump gjatë udhëtimit të saj të fundit në Shtetet e Bashkuara. Pavarësisht firmave, zyrtarët anglezë nuk kanë njoftuar për një anullim të mirëseardhjes së Trump në Angli si dhe takimin e tij me Mbretëreshën Elizabeth.
Të premten Trump firmosi një urdhër ekzekutiv për ndalimin e refugjatëve sirianë në SHBA, si dhe ndalimin e njerëzve nga 7 vende të Lindjes së Mesme dhe Afrikës, që kanë në përbërjen e tyre më së shumti popullsi myslimane.
Ky urdhër i tij ka shkaktuar protesta në mbarë botën. Peticioni me firma për anullimin e vizitës së Trump në SHBA nisi të shtunën.
