Arabia Saudite është toka e premtuar për Cristiano Ronaldon, i cili tashmë do të jetë një lojtar i Al Nassr.
Mbrëmjen e djeshme vonë, 30 dhjetor, mbërriti njoftimi zyrtar përmes rrjeteve sociale i klubit saudit i cili ka nënshkruar kontratë me CR7 deri në vitin 2025 me pagë 200 milionë euro në sezon për dy vite e gjysmë.
Por nuk mbaron me kaq, në verën e 2025 Ronaldo do të bëhet ambasador i Arabisë Saudite për të bindur FIFA-n që ta zgjedh shtetin arab për të organizuar Kupën e Botës 2030.
Nga ky akord, Ronaldo pritet të përfitojë edhe 500 milionë euro të tjera, që do ta çojnë “pagën” e tij për 7 vitet e ardhshme në shifrën rekord prej një miliardë eurosh.
