Vrulli me të cilën u përhap koronavirusi përtej kufijve të Kinës dhe numri i madh i vdekjeve, veçanërisht gjatë muajit të fundit, kanë detyruar shumë vende të botës të marrin masa të forta për të mos lejuar virusin të kthehet në pandemi.
Kështu, SHBA ka premtuar mbi 2.5 miliardë dollarë për të luftuar sëmundjen ndërsa autoritetet në Korenë e Jugut do të testojnë rreth 200 mijë anëtarë të një Kishe ku dyshohet se ka pasur raste me koronavirus.
Shtëpia e Bardhë premtoi 1 miliardë dollarë për vaksinën e nevojshme për të luftuar virusin dhe mbi 1.5 miliardë dollarë të tjera për pajisje mjekësore.
Ndërkaq të tjera vende kanë marrë ose paralajmëruar masa drastike izolimi teksa ankthi dhe paniku kanë pushtuar shumë njerëz. Virusi shpërtheu në Kinë në fund të vitit të kaluar dhe deri më tani ka vrarë më shumë se 2700 persona dhe infektuar 80 mijë të tjerë./Opinion.al
