Walt Disney hap nesër dyert e atraksionit më të ri dhe më ambicioz, parkut tematik ‘Star Wars, Galaxy Edge’. Dy parqe identike me një kosto prej një miliardi dollarësh janë projektuar për të kënaqur adhuruesit e shumtë të sagës fantastiko-shkencore.
Në Disneyland, në Anheim të Kalifornisë, një lumë dhe një hekurudhë u devijuan për të krijuar hapësirë, ndërsa parku i dytë në “Walt Disney World” në Orlando të Floridas, pritet të inagurohet më 29 gusht.
“Prej 40 vjetësh, adhuruesit kanë ëndërruar të ecin në një ambient origjinal si ai i Star Wars. Më në fund e kanë mundësinë për ta bërë këtë. Qëllimi ishte të tregoheshim ambiciozë, shumë ambiciozë, jo vetëm sa i përket përmasave, por edhe detajeve artistike dhe teknologjike”, tha Margaret Kerrison, përfaqësuese e Walt Disney.
Parqet tematike janë ato që gjenerojnë më shumë të ardhura për Disney, pasi rrjetet mediatike janë goditur nga gara dixhitale./Opinion.al
