1 miliard dollarëve fonde do të transferohen për inxhinierët e ushtrisë në mënyrë që ata të fillojnë ndërtimin e murit përgjatë kufirit me Meksikën.
Fondet nga Pentagoni, janë të parat që akordohen nën emergjencën kombëtare të shpallur nga Presidenti Donald Trump, me qëllim ndërtimin e murit që ai e kishte premtuar gjatë fushatës elektorale. Fondet do të përdoren për të ndërtuar një rrethim rreth 91 km të gjatë.
Presidenti Trump e ka cilësuar situatën në kufi një krizë dhe insiston se një barrierë e tillë, e pakapërcyeshme është e nevojshme për të ndaluar kriminelët që të hyjnë në SHBA. Demokratët janë ankuar mbi vendimin pasi sipas tyre Pentagoni nuk ka kërkuar leje nga Komisioni i Posaçëm para se të njoftonte Kongresin për transferimin e fondit.
Kujtojmë se Donald Trump shpalli “gjendjen e jashtëzakonshme” në kufi, që e lejonte në përdorimin e fondeve të emergjencës për ndërtimin e murit të shumëdiskutuar në kufirin me Meksikën. Demokratët e cilësuan shpalljen e “gjendjes së jashtëzakonshme” si “një abuzim flagrant me pushtetin”, e thanë se kriza e trumpetuar me të madhe në kufi, në fakt nuk ekziston, ndërsa iu bënë thirrje edhe republikanëve të bashkohen me ta./Opinion.al
