Sindikata e Pavarur e Arsimit ka protestuar sot në ditën e punëtorëve për të vlerësuar më tepër figurën e mësuesit si dhe për të ndalur shkatërrimin që po i bëhet, sipas tyre, arsimit në Shqipëri.
Ata kërkojnë paga më dinjitoze, kushte pune për mësimdhënie cilësore si dhe të ndalen burokracitë në dokumentacionet shkollore.
Sindikalistët gjithashtu kanë qenë të ashpër me Ministren e Arsimit Besa Shahini, duke thënë se ajo nuk i kupton problematikat e mësuesve në Shqipëri dhe se nuk pranon të ballafaqohet me ta.
Nga ana tjetër, ministrja Shahini e përshëndeti protestën e Sindikatës së Arsimit, teksa thekson se ka qenë në dialog të vazhdueshëm me ta. Shahini ka thënë se duke filluar nga nesër paga e prillit në llogaritë e mësuesve do të reflektojë rritjen e përvitshme./Opinion.al
