Plot 1.8 ton kanabis, 60 kg heroinë, 13 kg kokainë si dhe disa armë janë sekuestruar nga policia turke në një operacion të zhvilluar në dy Tetor.
Referuar mediave turke, janë ndaluar 14 persona në të ashtuquajturin një nga operacionet më të mëdha të drogës në Stamboll por dhe në qytete të tjera.
Lënda narkotike po transportohej me një furgon, ndërsa që nga data 15 shtator deri në 30 shtator janë zhvilluar operacione të njëpasnjëshme kundër grupeve kriminale.
Referuar medias turke, Hurriyet autoritetet morën informacion për sasinë e lëndës narkotike nga partnerët ndërsa ka dyshime të forta, referuar gjithmonë kësaj gazete se droga është futur ilegalisht në vend përmes Shqipërisë.
Dy prej të arrestuarve janë shtetas të huaj, ndërsa që nga fillimi i vitit policia në Stamboll ka sekuestruar shumë se 10 ton drogë./ Opinion.al
https://www.youtube.com/watch?v=k9CIghERlp0
