Travel

Sllovenia, Sllovakia dhe ngatërresa e vazhdueshme mes dy vendeve

               Publikuar në : 20:27 - 16/03/18 |
Gerta

Kryeministri i Sllovenisë njoftoi dorëheqjen e tij këtë javë.

Kryeministri i Sllovakisë njoftoi dorëheqjen e tij këtë javë.

Nëse nuk e keni kuptuar dallimin mes dy deklaratave për herë të parë kur i keni lexuar, nuk jeni të vetëm.

Kryeministri i Sllovakisë, Robert Fico, dha dorëheqjen pas vrasjes së një gazetari që hetoi korrupsionin qeveritar. Udhëheqësi i Sllovenisë, Miro Cerar, dha dorëheqjen pas një vendimi gjyqësor, pasi pengoi një projekt të madh hekurudhor.

Të dy kombet kanë qenë të rrënuara nga paqartësitë e tyre rreth identiteteve, që nga krijimi si shtete të pavarura në fillim të viteve 1990.

Gabimet e himnit

Një kërkim i shpejtë në Google do të zbulojë dhjetëra mesazhe rreth origjinës sllovake të Zonjës së Parë të SHBA-së, Melania Trump. Ajo ka lindur në Sevnica, një qytet slloven (ish-gruaja e presidentit, Ivana, ka lindur në Çekosllovaki).

Duket si një mallkim, por flamuri dhe himni i dy kombeve është ngatërruar me njëri-tjetrin, duke u shfaqur në shumë aktivitete.

Vitin e kaluar, në Kampionatin Botëror të Hokejt në Gjermani; sllovakët u zemëruan dhe ndërprenë me fishkëllima ‘himin’ e tyre, pasi ishte ngatërruar nga organizatorët. Më vonë, atyre u tha se himni i tyre nuk do të luhet për shkak të ‘gabimeve teknike’.

Ngatërresa nuk është asgjë e re. George W Bush foli për një takim të mrekullueshëm mes tij dhe ministrit të Jashtëm sllovak, por një takim i tillë nuk ka ndodhur kurrë. Në 2003, kryeministri italian Silvio Berluskoni prezantoi kryeministrin e Sllovakisë në një konferencë shtypi. Ishte Anton Rop – nga Sllovenia.

Ishte shumë e çuditshme, gazetarëve u kërkuam t’mos e përmendin atë ngatërresë në raportimet e tyre,”- tha më vonë z. Rop.

Është diçka kaq e zakonshme, sa revista New Yorker raportoi një ngjarje të vitit të kaluar, e organizuar nga ambasada e Londrës, me titull: “Dalloni Slloveninë dhe Sllovakinë”.

Çfarë ndodh me emrat?

Të dy vendet kanë emra të ngjashëm, flamuj të ngjashëm dhe një histori të ngjashme.

Flamujt, para së gjithash, janë gati identike – të përbërë nga vija horizontale të kuqe, blu dhe të bardha.

Dallimi kryesor është ‘kreshti’ – i cili është i pozicionuar në të majtë në të dy flamujt.

Ngjashmëritë shtrihen edhe për emrat, për të dy republikat – Sllovakia e quan veten Slovenská republika, ndërsa Sllovenia është Republika Slovenija.

Gjuhët janë edhe më të vështira për t’u dalluar në gjuhët e tyre amtare – një është slovenčina, tjetra slovenščina.

Por, dy vendet nuk janë as fqinjë.

Ata janë të ndarë me njëri-tjetrin nga Austria dhe Hungaria, dhe kanë veçori të dallueshme.

Sllovenia është një vend bregdetar që kufizon Italinë dhe Kroacinë në jug të Evropës.

Sllovakia ka Poloninë dhe Republikën Çeke si fqinjët e saj, ndërsa krenohet me kështjella dhe male si pika turistike.

Të dy vendet janë ish-republika socialiste, të dy kombet shpallën demokracinë dhe qeverisjen moderne në fillim të viteve 1990.

Sllovenia arriti pavarësinë nga Jugosllavia në vitin 1991, pa gjakderdhje me ndërmjetësimin e BE-së për realizimin e një marrëveshjeje.

Sllovakia është vend më i madh, ndërsa ka një numër popullsie dy herë më të madhe me 5.5 milionë banorë në dy milionë që ka Sllovenia.

Dikur ishte pjesë e shtetit të Çekosllovakisë.

Në vitin 1992 i ashtuquajturi Divorci Velvet ndau vendin në dy republika, atë çeke dhe sllovake.

Kjo histori ndihmon për të shpjeguar ngjashmërinë e flamujve – të dy vendet përdorin të njëjtat ngjyra si Rusia, por edhe shumë vende të tjera sllave, për shkak të historisë së tyre të përbashkët./PROlajm.al

Pas