Bota, Kryesore

Si dha leje Putin për rrëzimin e një avioni pasagjerësh në 2014. Presidenti rus tregon për herë të parë çfarë ndodhi

Në vitin 2014,presidenti rus Vladimir Putin ka dhënë urdhër të qëllohej një avion me pasagjerë pasi ishte informuar se aty mbahej një bombë e cila do të sulmonte Lojrat Olimpike Dimërore. Këtë e ka bërë të ditur vetë presidenti ditën e dielë gjatë një dokumentari të transmetuar.

Dokumentari prej 2 orësh i titulluar “Putin”, ka shfaqur presidentin rus teksa rrëfen për reporterin Andrey Kondrashov se ai mori një telefonatë nga oficerët e sigurisë, më 7 shkurt 2014, pak para ceremonisë së hapjes së Lojrave Olimpike dimërore në Sochi.

“Më thanë se një avion i cili fluturonte nga Ukraina në Stamboll ishte marrë peng, dhe pasagjerët kërkonin të ulej në Sochi”, tha Putin.

Pilotët e avionit turk, raportuan se një prej pasagjerëve kishte një bombë dhe se i kishte detyruar ata të kryenin fluturimin drejt Sochi. Ishin 110 pasagjerë në bord, ndërsa mbi 40,000 njerëz u mblodhën në stadium për të parë ceremoninë e hapjes, tha gazetari.

Putin u shpreh gjithashtu se kishte kërkuar këshilla nga oficerët e sigurimit dhe se ata i kishin thënë se në të tilla situata bëhet thirrje për rrëzimin e avionit. Kështu presidenti rus ka dhënë urdhrin të veprohet sipas planit.

Pas disa minutash Putin mori një tjetër telefonate e cila e informoi se ishte alarm i rrem pasi pasagjeri në fjalë ishte thjesht një i dehur dhe se avioni do vijonte fluturimin drejt Turqisë.

Lajmi ParaLajmi Pas
« Kthehu Rifresko