-Politikë, Aktualitet, Kryesore, Te Fundit

Revoltohet Shalsi: Një grup ekstremistësh po mbajnë peng çadrën, duan rikthimin e ’97-ës

Ministri i Pushtetit Vendor, Eduard Shalsi ka komentuar deklaratat e demoktarëve mbi aktualitetin politik dhe bojkotin e Kuvendit.

Me anë të një shënimi në “Facebook”, Shalsi thotë çadra e PD po mbahet peng nga ekstremistët që duan të rikthejnë 1997.

Shënimi i plotë: 
Eksponentë të ndryshëm të Partisë Demokratike shfaqen me deklarata që hera-herës ngjajnë me lojëra fjalësh.

I tillë është edhe ai i sotmi i Tritan Shehut. Përpiqen të fshehin të vërtetën e bojkotit të parlamentit, që përditë e më shumë po bëhet e qartë për të gjithë shqiptarët : frika për të votuar vettingun !!!
Përpjekjeve të krerëve të PD për të rikthyer ’97 dhe destabilizuar vendin, shqiptarët i janë përgjigjur duke bojkotuar çadrën që tashmë po mbahet peng nga një grup ekstremistash.

Krerët e PD-së me këtë qendrim po tradhëtojnë jo vetëm Partinë Demokratike por edhe Shqipërinë.

I vetmi veprim i përgjegjshëm i Partisë Demokratike do të ishte kthimi në Kuvend dhe regjistrimi sa më parë për të marrë pjesë në zgjedhje. Vetëm kështu Shqipëria, do të mund të ecë përpara me zbatimin e reformës në drejtësi dhe te përmbush aspiratën e kahershme të integrimit në Evropë.

 

Lajmi ParaLajmi Pas
« Kthehu Rifresko