-Kronikë, Aktualitet, Te Fundit, Të Gjitha

Rama shemb me tritol një tjetër pallat në Vlorë

Sapo erdhi në pushtet Edi Rama nisi të shembte me tritol disa pallate që ishin ndërtuar pa dokumentacion të plotë. I pari ishte pallati i vjehrrit të Lulzim Bashës tek Uji i Ftohtë në Vlorë. Sot në këtë qytet pritet të shembet po me tritol një pallat tjetër.

Objekti në ndërtim ndodhet në bulevardin qendror Vlorë-Skelë, në afërsi të teatrit “Petro Marko”, në vendin e quajtur “Tri Racat”. Leja e ndërtimit është dhënë në vitin 2010, por nga prokuroria rezultoi se leja ishte false dhe nuk kishte kaluar në mbledhjen e Bashkisë së Vlorës.

Për këtë shkak është vënë nën akuzë për falsifikim edhe kryebashkiaku i asaj kohe, Shpëtim Gjika, ndërsa me urdhër të prokurorisë dhe vendim të gjykatës punimet për ndërtimin u pezulluan.

Inspektorët mbërritën në Vlorë, pasi rreth dy javë më parë Kryeministri Edi Rama i tërhoqi vëmendjen kryebashkiakut Dritan Leli se pse nuk ishte shembur ende ky pallat.

Rama inspektoi disa investime në qytet, nga ku i ra në sy pallati i mbetur karabina. Ai i foli me tone të ashpra kryebashkiakut Leli për mos-shembjen deri më tani, pasi sipas tij ky ndërtim është në një zonë që dikur ka qenë lulishte.

 

Lajmi ParaLajmi Pas
« Kthehu Rifresko