Aktualitet, Kryesore

“Pse më sheh”, sherr para shkollës, dy vëllezër i plagosin me kaçavida

Një sherr për motive banale ka ndodhur dje pranë shkollës së mesme profesionale në Vlorë. Tre persona kanë plagosur me kaçavida dy vëllezër nga fshati Panaja i Vlorës. Policia tha se ka ndaluar njërin prej autorëve, ndërsa një tjetër është shpallur në kërkim. Ndërsa i treti është nën 18 vjec ndaj po ndiqet në gjendje të lirë. Burimet thanë se sherri ka lindur krejtësisht kot, ku 3 të rinjte (autoret) kanë debatuar me dy vellezerit vetem për faktin se ata po i shikonin…

“Në pranga ka rënë Serxhjo Bedinaj, 23 vjeç, banues në Vlorë. Do të procedohet penalisht në gjendje të lirë për shkak të moshës shtetasi i mitur B.B. Si dhe u bë shpallja në kërkim e shtetasit, M.G., 24 vjeç, banues në Vlorë.

Të tre shtetasit e mësipërm, në lagjen “Pavarësia”, pranë shkollës së mesme profesionale, në bashkëpunim me njëri-tjetrin, gjatë një konflikti fizik për motive banale kanë plagosur me mjete prerëse-shpuese, shtetasit N.A., 18 vjeç dhe E.A., 18 vjeç, (vëllezër), banues në Panaja, Vlorë, të cilët kanë marrë ndihmën e nevojshme mjekësore në spital dhe aktualisht janë jashtë rrezikut për jetën. Po punohet për kapjen dhe ndalimin e shtetasit të shpallur në kërkim. Materialet hetimore iu referuan Prokurorisë pranë Gjykatës së Shkallës së Parë Vlorë, për veprën penale “Plagosje e rëndë me dashje, kryer në bashkëpunim”, parashikuar nga neni 88 dhe 25 i Kodit Penal”, thuhet në njoftimin e policisë së Vlorës.
/Opinion.al

Lajmi ParaLajmi Pas
« Kthehu Rifresko