-Sociale

Nëse një nënë do të paguhej për punën e përditshme me familjen, do të bëhej milionere

               Publikuar në : 17:00 - 13/05/18 |
m.b

Shofere private, kuzhiniere, një blerëse personale. Tepër? Një njeri kaq i kompletuar ekziston në realitet dhe është mama. Një “profesion” që nëse do të paguhej do të meritonte 3000 euro në muaj, për angazhimin, përgjegjësinë dhe fleksibilitetin, shkruan Corriere Della Sera.

Ja përse.

Sipas llogarive të bëra nga ProntoPro.it për të arritur në këtë shifër janë marrë parasysh të gjitha aktivitetet që mamatë kryejnë brenda dhe jashtë shtëpisë, duke ju referuar pagesave mbi orët e punës.

Sipas shkrimit, një mama, gjithashtu duhet të ketë aftësi dhe kompetenca mjekësore. Si rrjedhim ajo duhet të paguhet. Si shofere private që shoqëron fëmijët në shkollë, pishina apo te miqtë rreth 13 Euro në orë. Mamaja është gjithashtu kuzhiniere në shtëpi, profesion që po kërkohet gjithnjë e më tepër dhe pagesa shkon deri në 30 Euro në orë. Larja e rrobave dhe pastrimi janë gjithashtu aktivitete të mamave dhe kërkojnë së paku 18 orë në javë.

Shumë e shumë herë mamatë bëhen edhe blerëse personale, konsulentë të tillë zakonisht paguhen 50 Euro, por duhet kujtuar se një nënë nuk konsulton vetëm për këpucë e veshje, por edhe libra, artikuj sportivë apo lodra, ndaj meriton së paku 150 Euro në muaj. E fundit por ndoshta më e rëndësishmja, rolin e trajnerit të jetës. Çdo prind është trajner jete, i disponueshëm për 24 orë. Nëna është trajnerja e parë e jetës dhe vetëm me këtë “punë” do të fitonte 8820 Euro në muaj…që nuk janë futur në llogari.

Këto janë shifrat që meriton një nënë italiane, por nënat shqiptare sa do të fitonin?

Burimi: 27.al

Pas