1

Ndërkombëtarët sërish kundër trupës së vetingut, ankimojnë vendimin për gjyqtarin Artur Malaj

               Publikuar në : 15:24 - 10/08/18 |
ri.de.

Operacioni Ndërkombëtar i Monitorimit (ONM) vijon të mos jetë i bindur për vendimet e Komisionit të Pavarur të Kualifikimit (KPK), pasi sot ka dhënë rekomandimin pranë Komisionerëve Publikë, për të ankimuar një tjetër rast.

Bëhet fjalë për Artur Malajn, gjyqtar në Gjykatën Administrative të Apelit në Tiranë dhe njëkohësisht kandidat për Inspektor i Lartë i Drejtësisë, i cili u konfirmua në detyrë më 3 gusht nga ana e KPK-së.

Edhe këtë herë Institucioni i Komisionerëve Publikë ka marrë rekomandimin dhe është në pritje që të marrë në dorëzim vendimin me shkrim të KPK-së, për ta analizuar dhe për të vendosur nëse do ta apelojë apo do ta lërë në fuqi.

Vendimi ndaj Artur Malajt është i gjashti për të cilin Ndërkombëtarët rekomandojnë apelim, pas atyre të kreut të Gjykatës së Lartë, Xhezair Zaganjori, gjyqtarit të Gjykatës së Lartë, Edmond Islamaj, kreut të Gjykatës Kushtetuese, Bashkim Dedja, prokurorit të Prokurorisë së Krimeve të Rënda, Gentian Osmani dhe gjyqtarit të Apelit Administrativ, Gentian Medja./TCH

Pas