Politikë

Mosdekretimi i Cakës, Salianji: Vendimi i Metës është kushtetues


               Publikuar në : 19:07 - 10/01/19 |
rel d

Deputeti i Partisë Demokratike, Ervin Salianji, është shprehur se vendimi i Presidentit të Republikës, Ilir Meta për t’mos dekretuar Gent Cakajn në postin e ministrit të Jashtëm është kushtetues, derisa gjykata të shprehet.

Përmes një shënimi në rrjetin social Facebook, Salianji thekson se kryeministri Rama dhe Drejtoria e Sigurimit të Informacionit të Klasifikuar (DSIK) i dha çertifikatën e sigurisë brenda një dite aplikuesit zv/ministër, ndërsa për deputetët e Komisionit të Sigurisë Kombëtare u dëshën 5 muaj verifikime dhe konfirmime nga të gjitha institucionet e sigurisë kombëtare.

Ai tregon se situata është më delikate, pasi shtetasi ka jetuar për periudha të gjata kohore jashtë Shqipërisë dhe akoma më delikate kur flitet për ndryshim kufijsh që cënon drejtpërdrejt sigurinë kombëtare.

Institucionet më të rëndësishme si DSIK, Drejtoria e Sigurimit të Informacionit të Klasifikuar që trajton dhe informacionet për vetingun e gjyqtarëve dhe prokurorëve u provua në këtë rast se përdoret lehtësisht nga KM”,- shkruan deputeti i PD-së.

Sipas tij, vendimi i Presidentit të Republikës është kushtetues derisa gjykata të shprehet, kushtetueshmerinë ose jo e vendos Gjykata Kushtetuese dhe jo kryeministri!

Shënimi i plotë:

Rama dhe DSIK (institucion në vartësi të tij) i jep çertifikatën e sigurisë brënda një dite aplikuesit zëvendës ministër që nuk e ka  marrë për muaj me radhë çertifikatën! Ndërsa për deputetët e  Komisionit të Sigurisë Kombëtare u deshën 5 muaj verifikime dhe konfirmime nga të gjitha institucionet e sigurisë kombëtare, madje disa deputetëve të Rilindjes nuk iu dha kjo çertifikatë nga DSIK.

Situata është edhe më delikate kur shtetasi ka jetuar për periudha të gjata kohore jashtë Shqipërisë dhe akoma më delikate kur flitet për ndryshim kufijsh që cënon drejtperdrejt sigurinë kombëtare.

Rama po qeveris në tejkalim të ligjit dhe kushtetutës; fjala e tij është mbi ligjin për të vendosur çdo vartës të tij në shërbim të qëllimeve që po nënkuptohen.

Institucionet më të rëndësishme si DSIK, Drejtoria e Sigurimit të Informacionit të Klasifikuar që trajton dhe informacionet për vetingun e gjyqtarëve dhe prokurorëve u provua në këtë rast se përdoret lehtësisht nga KM.

Vendimi i Presidentit të Republikës eshte kushtetues derisa gjykata të shprehet, kushtetueshmerine ose jo e  vendos Gjykata Kushtetuese jo KM!

Pas