Kronikë

Masakra në Mat, policia konfirmon: 1 i vdekur, 2 të plagosur rëndë

               Publikuar në : 16:01 - 11/10/18 |
ri.de.

Një punëtor i bashkisë Mat ka mbetur i vdekur dhe 2 të tjerë janë plagosur rëndë. I plagosuri i tretë është në gjendje më të mirë. Ngjarja e rëndë ndodhi sot në mesditë në fshatin Shëlli, njësia administrative Macukull në Mat.

Njoftimi i policise

Rreth orës 14:00, Policia e Komisariatit Mat u informua se në fshatin Shëlli, njësia administrative Macukull janë dëgjuar të shtëna arme.

Menjëherë shërbime të shumta policore kanë shkuar në vendin e ngjarjes.

Paraprakisht dyshohet se shtetasi K.K. 51 vjeç, pas një konflikti për motive të dobëta ka qëlluar me armë zjarri drejt disa personave, në një lokal.

Për pasojë ka humbur jetën shtetasit M.H, si dhe kanë mbetur të plagosur shtetasit A.H, E.A. dhe H.B.

Shtetasit E.A. dhe H.B. janë dërguar në drejtim të Tiranës për ndihmë më të specializuar.

Nga veprimet paraprake rezulton se këta persona po punonin për hapjen e një rruge në këtë fshat.

Dyshohet se autori është konfliktuar më parë me punonjësit e Bashkisë dhe më pas është larguar e ka marrë armën automatik dhe ka qelluar në drejtim të tyre, në një lokal.

Në vendngjarje është sekuestruar arma e zjarrit.

Është ngritur një grup i posaçëm hetimi me ekspert të Policisë nga Drejtoria Vendore e Policisë Dibër, të cilët po hetojnë këtë ngjarje.

Grupi hetimor gjithashtu ndodhet në vendin e ngjarjes si dhe po sekuestron çdo provë që lidhet me këtë ngjarje.

Forca të shumta policore janë në ndjekje të autorit.

Lexo edhe:

Emrat/ Masakra në Mat, kush janë viktimat dhe si ndodhi ngjarja

Pas