Sport, Te Fundit

Luiza Gega e artë Stamboll, shënon rekordin e ri kombëtar

Luiza-Gega

Ky fillim viti ka nisur në mënyrë të jashtëzakonshme për atletet shqiptare Luiza Gega. Pas medaljes së argjendtë që fitoi në Çeki, këtë të premte ajo është ngjitur sërish në podium, vetëm se këtë herë për fjalë për shkallën më të lartë, medaljen e artë.  Gega ndërsa këtë të premte triumfoi në Mitingun Ndërkombëtar të Sallave të Mbyllura në Stamboll të Turqisë.

28-vjeçarja fitoi garën e 1,500 metrave, duke marrë edhe medaljen e artë. Në suksesin e arritur, atletja dibrane regjistroi kohën 4:06:65, që është edhe një rekord i ri kombëtar në këtë disiplinë. Gega përmirësoi me 24 të qindtat rekordin e mëparshëm kombëtar të 1,500 metrave, të cilin e mbante po ajo vetë.

1487345942luizaaaaaa

Turneu në Stamboll ishte i treti për atleten kuqezi në këtë fillim viti me medaljet që nuk kanë munguar në asnjë rast. Fillimisht kampionia shqiptare fitoi medaljen e argjendit në garën e 1,500 metrave në Mitingun Ndërkombëtar të Ostravës, në Republikën Çeke.

Vetëm një javë më parë, Luiza Gega kishte marrë një tjetër medalje, këtë herë të bronztë në Paris, ku me kohën e regjistruar në kryeqytetin francez theu rekordin kombëtar të garës së 3,000 metrave për salla të mbyllura, që rezistonte prej 21 vjetësh.

Lajmi ParaLajmi Pas
« Kthehu Rifresko