Aktualitet

Debati për UT/ Basha-Ramës: Një kryeministër injorant që nuk kupton se Universiteti s’është firmë ndërtimi

               Publikuar në : 13:49 - 14/02/18 |
ri.de.

Lideri demokrat Lulzim Basha ka reaguar pas një takimi publik që Kryeministri pati me pedagogë dhe drejtues të Universitetit të Tiranës. Rama jo në pak raste i fyeu pedagogët duke u thënë se kanë ardhur tek unë për kafshatën e gojës dhe për problemet e tyre të brendshme. Në reagimin e tij lideri demokrat e quajti Ramën një kryeministër injorant që nuk kupton se dija dhe shkollimi nuk është mall si çdo mall tjetër.

Reagimi i plotë i Bashës

Nuk ka pamje më të trishtë se një kryeministër i ulur në krye të vendit duke ju dhënë leksion profesorëve të ulur si nxënës në auditor, duke i marrë në pyetje e duke ju dhënë edhe lejen të flasin apo jo.

Kryeministri që mbledh Senatin e Universitetit, kërcënon dhe fyen pedagogët, përqesh dhe denigron profesorët, është dëshmia e “pavarësisë” fallso të universitetit publik, ku rrogat i vendos ministri, strukturën e shkollave e vendos ministri, programet i vendos ministri, madje edhe ditën e fillimit të vitit shkollor e vendos ministri.

Pedagogëve që kërkuan ballafaqimin, ju është fshehur dhe i sulmon e ju hakërrehet nga frëngjia e bunkerit ku ka futur përdhunshëm shumë nga të emëruarit e tij.

Universiteti duhet të bëjë para, duhet të bëjë biznes, ju thotë kryeministri pedagogëve, sepse edhe universitetin ky e sheh si bizneset e ndërtimit me të cilët ndan paratë. Një kryeministër injorant që nuk kupton se dija dhe shkollimi nuk është mall si çdo mall tjetër dhe universitetet nuk janë firma ndërtimi është në krye të një qeverie që mbjell injorancë.
Ka vetëm një zgjidhje për arsimin e lartë: autonomi e plotë akademike, financiare dhe administrative. Ka vetëm një zgjidhje për arsimin e lartë: universitete jo-fitimprurëse, jashtë kontrollit të qeverisë dhe të pronarëve.

Pas