Kryesore

Çifti shqiptar humbet foshnjën një muajsh: Zoti na e dha, Zoti na e mori

               Publikuar në : 23:33 - 13/01/18 |
m.b

Historia e Fisnikut dhe Arlindës është bërë pjesë e mediave italiane, ndërsa çifti shqiptar ka humbur dy ditë më parë humbën foshnjën e tyre, që sapo kishte mbushur një muaj.

Vogëlushja që kishte lindur në 5 Dhjetor të vitit 2017, ndërroi jetë gjatë natës, mbrëmjen e 10 Janarit.  “Zoti na e dha, Zoti na e mori. Duhet të jemi të fortë për Alendorin, fëmijën tonë të parë 20-muajsh”, janë shprehur ata në media, ndonëse në sy shihen lotët për humbjen e vajzës.

Sipas mjekëve, vajza “ka vdekur në djep”, në shtëpinë e tyre në Altobello (në komunën Mestre, provincë në Venecia), që 32-vjeçari kishte mundur ta blinte pasi ishte martuar me Arlindën.

“Në 22:30 vajza ishte mirë, ishte vetëm e ftohur, dhe të hënën e çuam në pediatri për të marrë aerosol. Për herë të fundit e ushqeva rreth orës 1 dhe pastaj e zuri gjumi”, ka treguar Arlinda me lot në sy.

Mjekët u kanë thënë se raste të tilla tek foshnjat janë të njohura dhe njihen ndryshe si “vdekje e bardhë”, gjë që e ka bërë çiftin të mos kërkojë autopsi për vogëlushen.

“Duan ta varrosim në Shqipëri, në Shkodër, në qytetin tonë. Do të nisemi të hënën”, është shprehur Fisniku për mediat italiane.

 

Pas