-Shëndeti

Çfarë i shkakton gungat e këmbëve dhe si t’i hiqni ato?

               Publikuar në : 13:45 - 01/08/18 |
m.b

Nëse vuani nga gungat në këmbë atëherë e dini se sa të dhimbshme mund të jenë ato. Gungat janë deformim i kockës, që e bën gishtin e madh të drejtohet nga brenda dhe bazën e kockës e lë jashtë. Është vlerësuar se ¼ e njerëzve në botë vuajnë nga ky problem dhe kjo shifër shkon në 1/3 te njerëzit mbi 65 vjeç.

Madje mund të jesh edhe princeshë, të jetosh një jetë princeshash e sërish të mos shpëtosh nga ky problem, pasi edhe Kate Middleton dhe Meghan Markle kanë gunga në gishtërishtë e tyre.

Por nga se shkaktohen?

Gunga gjatë krijimi të saj shpesh shoqërohet me dhimbje dhe enjtje në lidhjet muskulare, megjithatë jo të gjithë përjetojnë siklet. Ato janë kryesisht të trashëguara. Mendohet se njerëzit trashëgojnë nga të parët tipin e këmbës që ka më shumë gjasa ta zhvillojë gungën. Nëse keni tabanin e këmbës të sheshtë, apo harqe të ulëta ose lidhje të dobëta të tendinave, te këmbët tuaja zhvillohen gungat. Këto të fundit krijohen edhe te meshkujt, por femrat janë më të predispozuara për t’i pasur ato.

Mjekët në Britani shprehen se në 14 milion njerëz ku ky problem është i përhapur, vetëm 4 milion janë meshkuj dhe 10 milion femra.

Krijimi te femrat vjen edhe si pasojë e hormoneve që çlirohen gjatë shtatzënisë, të cilat i bëjnë ligamentet më të dobëta. Është menduar më parë se gungat vijnë edhe nga lloji këpucëve që mbajmë, dhe për shumë vite faji i është vënë këpucëve me taka, por në fakt është e gjitha gjenetike; nga kush e keni trashëguar predispozitën për gungë. Sigurisht takat nuk janë pa gjë, ato mund t’i përkeqësojnë gungat por nuk janë shkaktari kryesor i krijimit të tyre. Çorapet e shtrënguara sërish luajnë rol në përkeqësimin e tyre.

Gungat në fillimin e krijimit të tyre kanë simptoma. Përveç atyre që janë të dukshme si skuqje, enjtje dhe dhimbje, spazmat muskulare në atë zonë janë gjithashtu një shenjë.

Si mund t’i menaxhojmë?

Ka disa mënyra për t’i menaxhuar gungat nëse tashmë i keni apo po vini re që po krijohen. Mund të përdorni shtresa silikoni te këpucët që vishni në atë zonë (kjo do të reduktojë edhe dhimbjen). Lloji i duhur i këpucës gjithashtu do t’ju ndihmojë.

Mjekët sugjerojnë që kur të keni mundësi, të vendosni te gungat akull të mbështjellë me peshqir për 5-7 minuta. Përveç kësaj, mund të bëni edhe ushtrime:

Kapini gishtërisht e mëdhenj dhe mbajni ato drejt, pozicion ky që quhet neutral. Më pas shtyjini ato poshtë me kujdes dhe më pas në pozicion neutral. Tërhiqini lart e sërish në pozicion neutral. Bëni të njëjtën gjë edhe majtas dhe djathtas.

Një ushtrim tjetër që mund të provoni i cili ka rezultuar i suksesshëm është ky:

Grini thembrat lart dhe tabanin e mbështetu në tokë. Më pas ngrini gishtat nga toka dhe hapini ato s të mundeni. Gishtin e vogël të këmbës uleni në tokë, dhe duke e mbajtur aty, filloni ulni edhe gishtin e madh dhe hapeni sa më shumë të mundeni nga gishtat e tjerë. Përsëriteni këtë 10 herë.

Një variant tjetër për të hequr gungat është edhe operacioni, por mjekët nuk e sugjerojnë sepse procesi i shërimit është i vështirë dhe i dhimbshëm./Opinion.al

Pas