Drejtori i Arkivave, Ardit Bido, të martën, deklaroi se fondet sekrete të lëshuara nga qeveria greke për në Shqipëri përdoren për punë sekrete të qeverisë për arsye që Greqia të mbulojë veten.
Bido u shpreh në studion e emisionit “Opinion”, se qeveria greke realizon projekte të caktuara ku nuk mund të thotë se këto i bëri shteti grek, por duke i mbuluar këto projekte.
Cilat janë këto projekte, do të ishte pyetja?
Si është ndërtuar Manastiri i Këlcyrës që sot është marrë nga shteti shqiptar për të qenë varreza për ushtarët grekë? Si u ndërtuan varrezat e Bularatit për të qenë varreza të ushtarëve grekë?
Ai tha se në këto raste nuk kemi të bëjmë me ndërtimin e një Kishe apo ndërtimin e një Manastiri, por kemi të bëjmë me ndërtimin e dy varrezave që i shërbejnë interesave të huaja.
