Eshtë një ditë festë, 28 Nëntori, por qeveria ka vendosur që punonjësit e administratës, shkollat dhe spitalet të bëjnë plot 5 ditë pushim.
Sot në mbledhjen e qeverisë është vendosur shpallja si ditë pushimi të premten e javës që vjen, datë 30 nëntor 2018. Kjo bën që javën e ardhshme festat të nisin që të mërkurën më 28 Nëntor e të vazhdojnë deri të dielën më 2 Dhjetor.
Ata që përfitojne janë punonjësit e administratës shtetërore të cilët do të kenë mundësi të punojnë vetëm dy ditë, të hënën dhe martën e javes që vjen.
Vendimi i Qeverisë thekson se dita e punës e datës 30 nëntor do të zëvendësohet në një nga ditët e pushimit brenda këtij viti.
